ສະຫຼອງວັນເກີດແບບຊາວພຸດ

ຣົມມະວິຫາຣກໍໍ່ເກື້ອ……..ກາຍເກີດເປັນຄວາມຮັກ
ຈົດສະຫຼັກລົງຈິຕ ………….ດັ່ງພຣົມນິຍົມຍ້ອງ
ຮັກທັງຜອງສາກົລຮູ້……….ບໍ່ທຽມທັນພຸທໂທກ່າວ
ພຣົມມະວິຫາຣແຈງຂໍ້…….ໄຂຕ້ານສີ່ຄວາມ

ເມຕຕາປາຖນາໃຫ້………..ແຟນຮັກມີຄວາມສຸຂ
ທັງກາຍາແນວຄິດ………...ພ້ອມໃຈກະເສີມພ້ອມ
ເຮົາກໍທຳບຸນໃຫ້……………ປະຕິບັຕຕົນຈົນງາມຍິ່ງ
ແຟນເຫັນຈິງວ່າສິ່ງນັ້ນ…….ກະທຳແທ້ບໍ່ແມ່ນປອມ

ກະຣຸນາທັມຂໍ້ນີ້……………ຫວັງໃຫ້ແຟນຮັກຫາຍທຸກຂ໌
ທັງອຸກອັ່ງໃນຫົວໃຈ………...ບໍ່ກັງວົນຮົນຮ້ອນ
ດ້ວຍກາຣກະທຳຂອງເຈົ້າ….ບໍ່ເປັນໄປໃນທາງເສື່ອມ
ປະຕິບັຕໃຫ້ຖືກຕ້ອງ………..ບໍ່ຫວັງປ້ອງໃຫ້ຊົ່ວຊາມ

ມຸທິຕາອ່າວເອື້ອ……………ເມື່ອເຫັນແຟນທ່ານມີສຸຂ
ຍ່ອມຍິນດີເອົາໃຈຕາມ……...ຕອບສນອງສມານໄວ້
ວາງໃຈຫວັງເສີມສ້າງ……..ໃຫ້ແຟນເຮົາພົ້ນຊົ່ວ
ຊີ້ຊ່ອງທາງແບບເບື້ອງ…….ເຍື່ອງແຕ່ຂ້ໍຂອດຮຸ່ງເຮືອງ

ອຸເປກຂາຂໍ້ນີ້……………...ໃຫ້ວາງເຈຕທັງຈິຕ
ປົງວາດລົງເປັນກາງໆ …….ຕໍ່ກາຣມີທັງດີຮ້າຍ
ຫາກເຫັນແຟນດີແລ້ວ……..ຈົ່ງທຳປະກອບສ່ວນ
ຫາກທຳຊົ່ວຈົ່ງຊ່ວຍຊ້ວນ…..ຊວນໃຫ້ຖືກທາງ

ນີ້ຄືຄວາມຮັກແບບເບື້ອງ……ພຸທທະທ່ານຊົງສອນ
ຊາຍຍິງຫວັງທາງດີ…………ຮັກຫອມຖນອມໄວ້
ໃຜຜູ້ຫວນເຫັນແລ້ວ………...ຈະເຣີນດີສັກສີເດັ່ນ
ຄວາມຮັກໃສໃນໂລກນີ້………ຫາໃສແທ້ເທົ່າຮັກຈິງທ່ານເອີຍ
----
ມດຕາໃຈກໍ່ເກື້ອ..........ຫວັງດີ
ຮັກດວ້ຍໃຈໄມຕີ...........ຊື່ນຊ້ອຍ
ຈິດກະສັນຜູກໝັ້ນ..........ໄປ່ວາງ
ຫວັງຮັກຫວັງຢູ່ສ້າງ.........ໝາຍປອງ

ໃຈເອີຍໃຈຂ້າຮັກ...........ສຸດຊວງ
ເໜືອສິ່ງຄຳແຫນຫວງ......ຫວ່ງຫ້າມ
ຮັກເຈົ້າດວ້ຍຫົວໃຈ.........ປຖນາ
ຮັກຍອດຫຍິງສຸດຊີວາ......ມິທຳລາຍ
ໂດຍວາໂຍ