ຄິດກ່ອນທຳຈຶ່ງນຳມາເວົ້າ

ຢາກໄດ້ດີ ບໍ່ທຳດີ ນັ້ນບໍ່ໄດ້
ມັກຈົນໄຮ້ ຫາຄວາມດີ ສັກສີຫາຍ
ຢາກໄດ້ດີ ດີແຕ່ເວົ້າ ກໍເປົ່າດາຍ
ເວົ້າຈົນຕາຍ ຫາຄວາມດີ ບໍ່ມີເລີຍ
ອັນຄວາມດີ ດີແທ້ ບໍ່ຕ້ອງຫາ
ແຕ່ຫາກວ່າ ຕ້ອງສ້າງດີ ໃຫ້ປາກົດ
ອັນຄວາມດີ ບໍ່ເຄີຍບ້ຽວ ທໍຣະຍົດ
ບໍ່ຄິດຄົດ ກັບຄົນດີ ທີ່ທຳຈິງ
ການຄິດດີ ວາຈາຈິງ ຍິ່ງສັກສິດ
ເວົ້າຄວາມໃດ ກັ່ນກອງກ່ອນ ຈາກຄວາມຄິດ
ສ້າງສະສົມ ປັນຍາຍານ ຖານຊີວິດ
ປັດຈາມິດ ສັດຕູມານ ບໍ່ໝາຍໃຈ
ການກະທຳ ສະແດງເຖິງ ເຊິ່ງຈິດເຈດ
ມີຕົ້ນເຫດ ເຄົ້າມູນ ຈາກຄວາມສັດ
ຄວາມຄິດດີ ການກະທຳ ຍ່ອມເດັ່ນຊັດ
ເວົ້າຈາມັດ ປົກປ້ອງ ຍ້ອງຜົນງານ
ອັນວາຈາ ແນວຄວາມຄິດ ການກະທຳ
ຍ່ອມຊັກນຳ ຄວາມສຳເຣັດ ດັ່ງໃຈໝາຍ
ໃຜວ່າຊົ່ວ ຄວາມຊົ່ວນັ້ນ ກໍເປົ່າດາຍ
ຜົນງານກາຍ ເຫັນປະຈັກ ສະຫຼັກດີ

ຜູ້ຂຽນ: ha
ເມື່ອວັນທີ່: 25/4/08 12:54
ຈາກ: ວຽງຈັນ
ອາຊີບ: ຫວ່າງງານກໍໄດ້
ງານອະດີເລກ: ຂຽນກອນ ອ່ານໜັງສື ທ່ອງທ່ຽວຫາຄົນເຊື້ອຊາດລາວ

RE: ຄິດກ່ອນທຳຈຶ່ງນຳມາເວົ້າ Ammata [25/4/08 21:51]

ເຖິງ: ha ອັນມນຸສ.......ສຸດປະເສີດ.......ກຳເນີດມີ ຮ່າງກາຍດີ.......ອົງຄະມີ.......ຄົບປະກອບ ຈິຕວິນຍານ.......ມັນສມອງ.......ຢ່າງຊື່ນຊອບ ລ້ວນມີຂອບ.......ເຂດກຳນົດ.......ກົດເກນດີ ມີສມອງ.......ຕຶກຕອງຄິດ.......ຜິດຖືກຕ້ອງ ແລ້ວກັ່ນກອງ.......ແນວຖືກຕ້ອງ.......ໃຫ້ເກີດມີ ຕັດສິນໃຈ.......ໄຝ່ກະທຳ.......ແຕ່ສິ່ງດີ ເພາະຍັງມີ.......ຄົນດີດີ.......ທີ່ຄອຍເຫັນ ອັນວາຈາ.......ຜົ່ນອອກມາ.......ໃຫ້ຄົນຍິນ ໃຫ້ມີສິນ.......ກິນໄດ້ນານ.......ບໍ່ລຳເຄັນ ລັ່ນຄຳໃດ.......ໃຫ້ຄົນຟັງ.......ດັ່ງນຶ່ງເປັນ ເຊັ່ນດອກໄມ້.......ໃຫ້ຄົນໄວ້.......ຊູບູຊາ ຢ່າຂົ່ມເພິ່ນ.......ຍົກຍໍໂຕ.......ໂຄໂອ້ອວດ ເຂົາຈະສວດ.......ເຂົາຈະຫຍາມ.......ນາມໂຕໜາ ຖືຕົນເດັ່ນ.......ເກີນມນຸສ.......ເກີນມະນາ ມັນຈະພາ.......ໂຕບັນລັຍ.......ມອດມ້ວຍລົງ ໃຫ້ຮັກເພິ່ນ.......ດັ່ງນຶ່ງເຊັ່ນ.......ສັນພີ່ນ້ອງ ຢ່າຂັດຂ້ອງ.......ປອງແນວຜິດ.......ຄິດໃຫ້ຫລົງ ຖືຄ່າຄົນ.......ໃຫ້ເໜືອອື່ນ.......ຢ່າງສູງສົ່ງ ຢ່າງຸນງົງ.......ລຸ້ມຫລົງຕົນ.......ຈົນເກີນໄປ ອັນສາມາດ.......ປ່າວປະກາດ.......ສິ່ງຕົນຮູ້ ເປັນເຊີງຂູ່.......ເຊີງປັນຍາ.......ຕົນມາກຫລາຍ ເຖິງກັບຍໍ.......ແຖມຍັງຍົກ.......ຕົນສູງໄວ້ ດີເກີນໄປ.......ໃຫ່ຍເກີນຄົນ.......ພົ້ນໂລກາ ຈົ່ງເຫັນແກ່.......ແຜ່ເມດຕາ.......ມະຫາຈິຕ ປັນຄວາມຄິດ.......ຢ່າງສ້າງສັນ.......ກ່ອນເຖີດໜາ ຢ່າຫວັງສິ່ງ.......ແນວຕອບແທນ.......ໃດເໜືອກ່ວາ ແລ້ວຈະພາ.......ຕົນສຸກໃຈ.......ສະບາຍເອີຍ ອັມມະຕະ

RE: ຄິດກ່ອນທຳຈຶ່ງນຳມາເວົ້າ ha [26/4/08 12:13]

ເຖິງ: Ammata ອັມມະຕາ.............ວາຈາຈິງ..............ຈຳນົງເຈດ ເບິ່ງຕົ້ນເຫດ.........ສັບພະສິ່ງ.............ອ້າງອິງຜົນ ອັນແນວຄິດ.........ປັນຍາຍານ.............ສຳນານລົ້ນ ເຫດສິ່ງໃດ.........ຍ່ອມເລີດລົ້ນ...........ຜົນທະວີ ກອນທ່ານຂຽນ......ລຽນອັກສອນ..........ປ້ອນຄຳຄິດ ຂຽນອອກມາ........ຈາກໃຈ.................ບໍ່ເບືອນບິດ ແມ່ນຄຳໃດ..........ຕັ້ງເຈດ.................ຈຳນົງຄິດ ນີ້ຄືທິດ...............ຊີ້ທາງທຳ...............ນຳທາງບຸນ